مو سهل الوداع تحومر العين
حتى اكدر اجافي وانسه الاحباب
ومو سهله عشرتك تنّسي بساع
اظن جنّه حبايب واحسن اصحاب
وعيونك ابد ما ازعل وياك
كلـّي الزعل عمره شودّه وشجاب
خاطركم عزيز وضمّته العين
ما اكدر اكدره بكلبي حساب
عوف الزعل خلـّه يروح ليغاد
واترك دنيتك ماتسوه العتاب
من كال اني اغيّر وانكر بساع
ليش تريدني ما ادكلـّك باب
عنّك ما غبت ابدا يا محبوب
حتى تفسّر وتختار الاسباب
كلبك ما جرحته هنانه مضموم
ضمّيته وحميته من الهوا الهاب
ماظنّك عرفت بداخلي بنوب
احبّك واعشكك لو دونك حراب
لاتسمع حجي الواشي ابد لا
لأن الواشي دومه يصير جذاب
الله اليشهد آني الماخنت يوم
وفي ومخلص وصافي ذهب تيزاب
مو هالسرعه منّي مفارك تريد
جنه احبابهسّه نصير اغراب
اسمع بس اكلـّك كلمتي وروح
لاتنسه تراهي الدنيه دولاب
لاتنسه تراهي الدنيه دولاب
