معذور الگلب لو مره راد يبيع

معذور الگلب
لو مره راد يبيع
وأظن من حقه ينسى العشره وياكـ

مسكين أنغصب..
والدنيه ضاگت بيه
وماضاگت عليك بدوني دنياكـ ؟

عطشانك ترد
لتگلي اصبر زين
صدگني الصبر ماساعد انساك !!

وأيامي التمر
تفكيري يوگف بيك
وكل لحظة عشكـ يا خلي تهواك

بالنار أحترگـ
تدريني أتعب حيل
وادورك لو تحط بدروبك اسلاك

ولتصدگـ جذب
بالدنيه ناس هواي
قسمو بالعشگ متردهم اشواگ

اشكال الغدر
والوفى صار اشكال
وربك من صخر ياخلي سواك

اشجابكـ عليَ
بفروعي جيتن ليش
هم حظي الفگر تهجرني خلاك
؟؟
محروم العمر
كل لحظه يوگف بيك
ولاجنكـ حبيبه وخله سماك

بدموعي ارتجي
واللهفه ماتت بيك
وماراحت لهفتي بروحي ذكراك

مهجور اصبحت
والدمعة صارت ريل
لا بس البخت يمي غيري وداكـ ؟

لتگلي انتظر
وتضن ازيدن بيك
لو آخر بشر صدگني ما انخاكـ
لو آخر بشر .. صدگني ما انخاكـ ..