بعد ما خاف من أي شي لو احجي يكظني العيب ولو اسكت جرح كلبي ابد ميطيب
وحرت بين الجرح والعيب وحرت خافن اظل ساكت وراسي يشيب أمن الضيم
وعفت المستحى بصفحه وكلت احجي وصيرن ذيب
كلي احجي شريد احجي صار الحجي بعيني دموع
كتله الكلب من شافك صبح مشلوع
احبك واليصير يصير والتحجيه الك مرجوع
احبك واليحب مو عيب عند الله العشك مشروع
صفن وتمعن بوجهي وكال حبك انت من يانوع
من نوع الجواه الضيم اكل لحمه ولواه وعافه بس اضلوع رديت
أوكلتله أبهاي
~
احبك مثل حب الكاع لمن تحظن المزروع
ْ
احبك مثل حب الريم تتوازه ويحد الموت لو شافت ابنها يجوع
ْْ
احبك وانه ظلمة ليل وانت اللي تنورني وتصير شموع
ْ
احبك ماكدرت انساك رسمك بالجفن مطبوع
~
صفن وتمعن بوجهي وكال
انطيني مهله اسبوع
واني سبع قرون صابر حتى
الماي صار بحلكي مر مجروع
ابقى اتصارع أويه الضيم أدكن
بيه وأرد مصروع
شنهو العملته أوياك تكّطع ركّبتي
ذنبي لأن حبيت لوشنهو قصتي؟؟؟!
