من اموت .. ويمر تشييعي إعله بابك
إرفع إيدك يمكن أرجع طفل يلعب
شايل بگلبه سلام..
آنه ما نايم عمر گضه إعله بابك
ليش بالتابوت أنام ..
وهاى خطواتي بقت ذكرى إعله دربك
من يجيهه الريح ياخذهه وتجي تركض عليك..
وحتى لو ميت بسيطه .. والله أفز من موتي
إذا تگعدني أديك
إنطيني آخر نظره منك .. وأعتبرهه آخر هديه
ولا تهل دمعاتك العذره أعله خدك ..يشتعل تابوتي بيه
بلمسه من شعرك يرد كلشي بحياتي
أبيش ما چان أشتريهه ..
إنطيني من شعرك ولو شعرايه
أطب للجنه بيهه..
وهاى عينك فتحت رموشك ستار..
ومدري چم نجمه وگمر حطن عليهه
بروح كل دمعه بچتهه عيونه بليلة زعلنه
إدفني بيهه ..
ولو ردت تعرف أريدك . ما أريدك ..
من أموت .. أبين اليشيعون مر مرة غريب
وأنده التابوت بيدك
