محتاجة كلش الك ل شهد الشمري

محتاجه كلش الك يل شاغل انت الفكر
محتاجة الك مو حجي وارتاح من ينذكر
هنيالة من كابلك يااحله صورة شعر
محتاجة الك ماتجي ماباقي شي بالعمر
زعلان ؟ليش الزعل زعلان انه اعتذر
بس ارجع لخاطري صير على نحري عطر
صير على جفني كحل حليني بين السمر
تعبني ذرف الدمع بس ماطفالي الجمر
بركان في داخلي وياخوفي لاينفجر
شمأخرك ماتجي ماظل الك كل عذر
اهلال جرحك كمل اي كمل واصبح بدر
صدكني حيل اتعبت حبك عسر مو يسر
اترجيت وتوسلت بيك شكثر وشكثر
مافاد بيك الرجه وجبرتني لهل امر
مابعد اضلن شهد خليك مني حذر
واحجيهه لاتستحي كول انت طبعك غدر
حبك تحية صبح ماتلفض بالعصر
روح وبعد لاترد شي عادي صار الهجر
الماعرف معنى العشك مابعد احطله كدر
جانت درجتك الف بس هسه صارت صفر

رووووعه
عاشت ايدج حب
تحياتي

شكرا وردة
تحياتي الج عيوني

شكرا ورده
عاشت ايدج عيوني
تحياتي

يدللو منورين
تحياتي الكم