الفاجعة بشفافك لــ عماد الاسدي

أنته معروفك جمالك شي اكيد
لذذيت الناس بيه معروفك

عينك السوده استحت منهه العيون
رحمه عدنه اعيون بيهه انشوفك

انه شفت اسيوف محدوده بسيوف
موحواجب كطعني اسيوفك

خشمك الشامخ جبل دنك يغار
ومن جمالك غار كض ازلوفك

انته يالخدك لبس احمر وفات
تريد كلبي ايعوف جا ... شيعوفك

تدري بلسانك حرف ويه الحروف
ماسمعته بيوم ويه احروفك

مدري حرفك حاء ممزوج ويه باء
مدري همسك ..لوخجل ..لوخوفك

انه اكول الفاجعه بشفتك جهاد
بيهه غركان وادور اجروفك

انته بالشارع تمر صار أزدحام
شويه شوف الناس ..درفع شوفك

غير هيه الناس تردم ويه ناس
انته كل عقلك تريد تعوفك

يلي ضلك بالعشك يتغنى بيك
وينتهز فرصه ويجيك ايطوفك

كمت اناجي الليل واترجه الطيوف
مدري ياساعه التجيني اطيوفك..؟

راح اصيرن هور وارد امتد عليك
انه رايد احتضن مشحوفك

انته اهاتك عطر من الورود
وهيه يا اووف الي تشبه اووفك

مدري موسيقى ونغم مدري شأكول
ويا ملحن يوصل لمعزوفك

انه مجروح بودادك لو دريت
بيك انته أجروح جرحي يروفك
بيك انته أجروح جرحي يروفك

رووووعة
كلش حلوة
تسلمين ورداية
عاشت ايدج
دوم الابداع
تحياتي الج

تدري بلسانك حرف ويه الحروف
ماسمعته بيوم ويه احروفك

مدري حرفك حاء ممزوج ويه باء
مدري همسك ..لوخجل ..لوخوفك


كلمات كولش حلوه وروعه
سلمت يداكِ وعيناكِ
عاشت ايدج ورده
لا تحرمينا من جديدج المميز
تحياتي

يسلموووووو ورد
تحياتي

يدللو منورين هاي بس من ذوقكم
تحياتي الكم

شكرا وردة على الشعر لجميل
تحياتي الج عيوني
تقبلي مروري البسيط
دمعة ألم

يدللو وردة منورة وربي
تحياتي الج