لا تعاند كَلبي تخسر بالأخير

لا تعاند كَلبي تخسر بالأخير



آنه أعند منك وتعرفني زين



لو قسيت وياي مره ولو سهيت



أقسي أضعاف وحلم كَلبي يلين



لا تزعلني عمد وتريد أجيك



مااجيك وخل تصب من عيني عين



مااجيك شما نده كَلبي عليك



أكص منه السانه بجفوفي الثنين



نفسي عزتهه قويه وماتطيح



ولو يطيحني هواك اكعد وأكوم



آنه صح اهواك وأتمنه رضاك



وروحي صح مثل الطير يم دارك تحوم



بس وداعة اعيونك والسنين



مادام صار الحب مذله مو لازوم



مو لازوم اكسب محبتك للأخير


(وعلى فكره )ما الك حكَ لو تلوم


لأن وافاك الكَلب داره هواك



ولو تلزم نسمه ينهيني الأنين



بس انته بقصد تتعمد جفاك



تروح ابعيد ويظل كَلبي الحزين



حيره المن يسأل والمن يكول



وياليالي المات بيهه من الحنين



ولمن تفر بيك أيامك تريد



انسى كلشي وأطش دربك ياسمين



لا أعاتب لا أساير لا ألوم



كلشي تأمر بيه يجرالك يزين



كافي حدنه هناه خل نوكف تعال



العندي كلته وكافي تعبني الونين



نفسي عزتهه قويه وماتطيح



وغير هذا بيدي أكص آنه الأدين ...

رووووووووووووووووووووووووووووووووووعة
عاشت الايادي عيوني
تحياتي

يسلمووو ايديكِ ياوردهـ
تحياتي

يدللو عيوني منورين
تحياتي الكم