موبيدي احبك وادري انته السيف
وكرابك اني وبيدك تنهيني
موتني بيدك صدكني والله ارتاح
وماكولن جنت انته المعاديني
وك مشتاك الك صدكني حد الموت
واحسك جوه الرمش ساكن بعيني
مااتحمل بعد صدكني بيه النار
بالكلب نارك تلهب تجويني
اني هم كلب عندي ومثلك انسان
روحي ويه روحك متعلكه تدريني
صدكني بعدك لحضه مااعيش
مريض ابقى ومحد يداويني
كل دوه ماينفع ...بعد للروح
ادواي يمك وانته التشافيني
موبيدي احبك ومااريد انساك
يسألوني واكولآ لحضه ماناسيني
بس مادرو انته عني بعيد
للكتل تسعه ورايد تنهيني
