اشمعنه انت؟؟
بيني وبين نفسي اشكد افكر بيك
واكول اشمعنه انت الشاغل ظنوني؟
مو اول عشك خاطر تشل الحال
ولا اول جمال تشوفك عيوني
شجاهة الروح يمك ذبت الاسرار
وليش ارجف عليك وينخطف لوني
وحتى الناس كامت تعرف بهالحال
وما اعرف شكلهم من يسألوني
يطبون بصفنتي وعنك يدورون
وما عندي لكوك وبيك تهموني
تهموني بمحبتك والله لو يدرون
على ضيم العلي يظل يواسوني
ما يدرون عايفني بمهب الريح
وانه وياك عفت المايعوفوني
يحبوني شكثر ولجيتي يتانون
واخجل من كثر ماكام يتنوني
وانت الماتحبني شلون بالله وياك؟
امرّن بيك، ما امر باليحبوني
عفت الي شروني ومن ارد شلون
هم اسوة بعد والنوب يشروني؟؟
حبيتك شجاني وماحسبت حساب
خيعونك علي.. مو انه خيعوني..
متحبني واحبك والمصيبة النوب
اريدك وانهزم من اليريدوني
ومن دونك صرت ماعيش وية الناس
وانت بكل سعادة تعيش من دوني
بأحزانك اودي دموعي تبجي وياك
وبفراحك ابد ما تذكر سنوني
من سمعوا اهلنة العشك دك الباب
ما خلّوك اهلك.. واهلي خلوني
ما خلوك اهلك، حقهم يخافون
بس اهلي لمحبتك شلع باعوني
