عَــذِبنـــي بَعــــــدْ ...!

عذبني بعد .. لتظن أگـلك ليش

لأن عمر الشجر ما عاتب الفاسه

ولا أگـلك أجرد من صفات البيك

يا شيطان گـبلكـ عاف وسواسه ؟

محطه إنته بدرب .. كل اليجي يمر بيك

گـلب ميت صرت ومفارگـ إحساسه

ما يذبل ورد لو ما تلزمه الناس

و يموت الدرب لو ما جدم داسه

وصرت إنته جسر .. تنداس حته تعيش

وما تكرب نهر من يعلن إفلاسه

أعرف معدنك .. بس همني ماي البيكـ


ترويني .. شعلي بمعدن الطاسه ؟


وإذا شفت الگـلب مر بيكـ .. مر مجبور


وأضربلكـ مثل .. وأنطيكـ مقياسه


إلــ يدني القدح .. يم شفه يشرب ماي

مو معناهاقَبَـل مايك وباسه !!

البلبل لو ركع .. لمن أكل تنطيه

ما يركع إلك .. بس ياكل براسه !!

مو آنه الغشيم إللــي يعاشر خيط

ويشده برگــبته ويگــطع أنفاسه

آنهمن أرد أعاشر .. تاج يحضن ماس

تغله شما تحيل .. وتعتگـــ الماسه

ما أعاشر سعف ييبس وتالي يطيح

ولو يصفه حطب .. لو يصفه مكناسه

كلش حلوووو
عاشت ايدج وردة
دوم الابداع
تحياتي الج

عاشت ايدج وردة
ننتضر كل جديدج
تحياتي الج

كلمات كلش حلوة
عاشت ايدج وردة عالموضوع
دومج مبدعه
تحياتي

رووووووووووووووووووووووعه
عاشت ايدج ورده
كلمات ولا اروع

عاشت الايادي
تحياتي