مااريدك بعد خلي الكلب يرتاح .....

اذا تلوح النجم اكَرب الك يهواي
وكَلبي لا تجيله وتوصل الحدة
يالجفك ذبح كَلبي ودفنته أبليل
تريد بكل جسارة الميت اتكَعدة؟؟
لا تفتح جرح بالكَوة خيطناه
لو ينزف بعد متكَلي شيظمدة؟؟
لو حسبت جرح صدكَني هم تهون
جم طعنة غدر بحشاي متوسدة؟؟
الشاعر من تجرحه ابياتة ينزفها
جرح منك نزف ديوان وتعده
ضنيتك مطر واترجة منك فيض
ما ادري برصاص أغيومك أمرعدة
لجلك حاربت أهلي وجميع الناس
وسيفك للأسف بضلوعي وتحده
بابك منفتح للرايح وللجاي
وانته بكل صلافة بوجهي وتسده
يالحبك رمل ودموعي ضاعن بيه
وبحرك من جمر نيرانه مشتدة؟؟
لتحاول تجي انته البديت بهاي
ماي الينجفي متكَلي شيردة؟؟
ماريدك بعد خلي الكَلب يرتاح..
مليت العشَك والروحة والردة
مليت العشَك والروحة والردة

روعـــــــــــه
يسلمووو ورده
عاشت الايادي
تحياتي

شكرا لمرورج وردة

رووعة كلش حلو
تسلم وردة عاشت ايدك
تحياتي

منورة بمرورج الجميل وردة

عاشت الايادي
دووم الابداع
تحياتي

شكر لمرورج عيوني

عاشت ايدك وردة
ابدعت
تحياتي الك

تسلميلي عمري انتة على نقل قصيدتي هذه...بس ليش ماذاكر اسمي؟؟؟تحياتي لكِ ياوردة.

شكرا لمروركم عيوني
حبي جلال ما ادري هاي القصيدة الك اسف ورده
منورين