http://sphotos.ak.fbcdn.net/hphotos-...6_848707_n.jpg
وين چنتي
وليش متأخرة علي كل هالسنين
وليش ما طيفچ اجه وفزز صفنتي
وين چنتي
گبل تسع سنين
مريتي علة عيني
وما وگفتي
ليش من دگ الجرس
ماصارن عيونچ فرصتي
ليش من كف العمر هسه ظهرتي
وين چنتي
ياملك شيطان وتلبّس بجثتي
يادمع خسران ويثلم وجنتي
يا الم لف روحي سچين بخصرتي
وين چنتي
ليش ما جيتي گبل لاتوصل الفضه الگذلتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت
چا لمچ من سنين بختي
وين چنتي
چان هسه دموع ماكو
وخابصة العالم ضحكتي
وين چنتي
وليش متعطله وصلتي
وين چنتي
