أحلفلك بعد ما نتراهم انا وياك

أحلفلك بعد ما نتراهم انا وياك
واذا عيني على دربك زلفت اعميها

لأن ادري تعز عليه گطرة ماي
اموت من العطش وگبالي ترميها !!

ولأن ماتت شتلتي وياك بأول يوم
وألماتت بعد شيفيد تسگيها

واذا بوجه الصبح ضيعت هاي الروح
باليل عود انت تلاگيها

غلطاتك ابد ماتنحسب بحساب
گمت اسمع واغلس حتى اعديها

انه غلطه غلطتها امنتك الاسرار
بكل مجمع شماته گمت تحچيها

جرفين النهر مايلتگن فد يوم
ترچيه وبأذنك هاي خليها

تحرگني حطب وتدفي بيه اعداي
بس گلبي منو لغيرك مسويها

طاوعتك عمر كل هذا گلت يهون
وتاليها عالسوده وياي تبنيها

طاوعتك عمر كل هذا گلت يهون
وتاليها عالسوده وياي تبنيها

عاشت ايدك وردايهـ
كلش حلوو
دووم الابداع
تحياتي

يدللو عيوني
يسلموو عالمرور الحلوو

كلش حلووووة
عاشت ايدك وردة
تحياتي الك

عاشت ايدك
كلش حلــــــــــــو
دوم الابداع تحياتي الك

عاشت ايدك وردة
تحياتي الك