رهمتــك علـيّ بـس مارهمـــت ويـــاي !!!!

رهمتــك علـيّ بـس مارهمـــت ويـــاي !!!!


رهمتك علي بس مار همت وياي
انته الما ردت شتريد اسويلك

عاشرتك نجم من جان عمرك ليل
أذوب وأشتعل حته أبقه أضويلك

ومن طلعت شمس خط رجعه ما خليت
ما جازيتني لمن خلص ليلك

بانيلك جنت حضرة عشك بالروح
ومرقد للمحنه بروحي بانيلك

ردت منك أمراد وخذت مني أمراد
وعلك بجفوفي شايلهن زناجيلك

وانذرلك جنت وافتر واحني الباب
هسه أتهدمت ياباب احنيلك

أمانه إسرار عمري وبيها ما اوصيك
يم شباج ذنبك صاحن ادخيلك

وبكيفك بعد صون الامانه أتخون
ما أكدر بعد أغفر وعديلك

مابينك وبينك حيرتني وياك
مره ابجي أعله طبعك مره اغنيلك

بدلالك جن طفل بالجرح مال اكبار
اشد الجرح بيد وبيد الوليلك

لا تنصف عدل لاترضه بالمقسوم
تأخذ حصتك ومن حصتي اوديلك

انته الوزعت والفرح سهمك صار
من سهم الحزن شتريد أخليلك

جبتها وياك شعره وعاقل ومجنون
كلساعه وتجرها وانه ارخيلك

شلي بهل تعب والعمر وشلة كاس
من كاس العمر جم دوب ابديلك

عااشت ايدج ورده
دووم الابداع
تحياتي

روووووووووووووووووووووووعه احلى نمط هو الشعبي عاشت ايدج

روعة كلش حلوووو
عاشت ايدج حب
تحياتي الج

عاشت ايدج وردة
تحياتي الج