مرحبِآ
أجملِ الذكرياتَ في وطنناِ العراق
أيــام الشته ما تنسي .وخصوصاً من نكون مكَرفعين من البرد وملتفين بالبطانيه وكلها كاعده على الزوليه
وأحلى فقره من نحط الكتلي على الصوبه
ومن يجي فلم السهره والصوبه غفله تنفجر عليك ((سعاااااااااااده)) http://www.3yoonalbasrah.net/forums/.../smilies/G.gif
http://www.mriraq.com/vb/imagehostin...6a8de4aaf6.jpg
............................................
ليش والصـمون الحار أبو الكَاع وأول ما يجي تسوي لفه مال موز نوتيلا الله
والكَمع مالته ..مستطيل مدعبل تلكَي مثله
http://www.mriraq.com/vb/imagehostin...6b9916d88a.jpg
.............................................
والخبز أول ميجي بس يعجبك تكرزه
وتحط جبن ونعناع ايباااااااااااااااا
مو خبز تكول فستق
http://www.mriraq.com/vb/imagehostin...6b9915e666.jpg
.....................................
وين أكو أحله من يوم الجمعه وريوكَ يوم الجمعه
والعائلة كولها ملتمه والميز كله كيَمر والخواشيكَ هناك وهنا
وتبدي العركه منو ياخذ القطعه الأكبر
وكالعاده لو تنتهي بعركه لو كل واحد ينكتل ويكَعد عاقل
http://www.mriraq.com/vb/imagehostin...6b9910c635.jpg
....................
الكباب أقصد الطماطه شوي
واللفه تغدي بخته من الحراره وأهم شي الكمع الله http://www.3yoonalbasrah.net/forums/.../smilies/G.gif
http://www.mriraq.com/vb/imagehostin...6b9913814d.jpg
......................................
ونجي على العيــد
وكليجه أم التمر بالسمسم
والله العيد من غير الكليجه مو عيد
http://www.mriraq.com/vb/imagehostin...6a9ea86061.jpg
....................................
وأحلى شي بالعيد فقره الغده ((بعد العيديات مباشرة))
القوووووزي الحااااار
وتفتح الجيس تطلعلك البوخه وتدوخ تباوع منا منا وتبدي تثرد وعلى غفلله تجي الوالده وتكَرصك شلون كَرصه ويطلع العيد من خشمك http://www.3yoonalbasrah.net/forums/...ies/tongue.gif
http://www.mriraq.com/vb/imagehostin...6a9eae3feb.jpg
..............................................
ووره الغده ماكو أحلى من استكان الجاي أبو الهيل
يعدل الدماااااااااااااااااغ
http://www.mriraq.com/vb/imagehostin...6aa2e478ca.jpg
...........................................
وأنت كـاعد وصافن ..وجان التلفون يسوي
رن رن رن ..طم طم ..رن وفرحني
وتشيل التلفون يطلع الحب مال انت وكاعد تسولف وتسولف وتسولف
جان يخلص الرصيد واكيد تروح عدل وكَبل على الأسواق يمكم ووياها بالطريق فد باكيت جكاير من هذا الأحمر حتى كَلبك يعطب
لأن أكيد الحب لازم يغثك ميكدر
http://www.mriraq.com/vb/imagehostin...6b99182862.jpg
..............................
وفي أيام الصيف الموشمسه والكهرباء مطفيه
وأبو المولده مخلص كاز
وكَلبك محروكَ على الكبد
ماكو أطيب من الركَي ينـزل على كَلبك مثل الثلج
http://www.mriraq.com/vb/imagehostin...6aa2e7191d.jpg
.................................
وفلم الضهر ما يحله أله على الهوه المبرده
وتجيب كاسه وبيها خيار وتكَعد تعزف
http://www.mriraq.com/vb/imagehostin...6a9eaa8321.jpg
...........................................
واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري
وشوف الكاسه الي تنكَط ورد
أنت أخذ خاشوكه قبل النوم وشوف المفعول السحري مالته
http://www.mriraq.com/vb/imagehostin...6a94c65174.jpg
.........................................
وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروكَ بالماعون
http://www.mriraq.com/vb/imagehostin...6aa2e3d80f.jpg
..........................
الكَريــعات ..وما أدراك ما الكَريــعات
علم من أعلام بغداد
أحلى هوه وأحلى سمج
وأحلى صفكَه لأحلى كريعات
http://www.mriraq.com/vb/imagehostin...6a94c47dea.jpg
..................................
أيــام الشباب الزيزفوني
أيام الأبتدائيه جانت سفراتنه كولها لو للريحانه لو برج بغداد
ومن نروح برج بغداد عبالك برج أيفـل ممصدكَيــن
http://www.mriraq.com/vb/imagehostin...6a9eac4059.jpg
.....................................
ليــل بغداد .. أجمل لوحة
سبحان الي صورها
الي يشوفها يكَول لا فيكَاس براس السنه اي والله
ومثل ما يكَول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق
http://www.mriraq.com/vb/imagehostin...6a94c1e8d1.jpg
...............................
أحلى ما في الذكريات انها في العراق
ودعونا نرى ذكرياتكم وأحلى لحظاتكم
::
تحياتي
