ردت اكتب قصيده وبيهه اوصفك كون

ردت اكتب قصيده وبيهه اوصفك كون
وردت مــــــــــــن القصيده اتسولف بكونك
كظيت القلم واعليـــــه اسولف بيك
وكتله اكتب احبك مويحبـــــــــــــــــــــونك
غافلني القلم تدري شطلع مكتـــوب
مــــــــــــاكاتب احبــــــــــــك كاتب عيونك
.................
اعيونك لواعيونك ذني الله اعليك
لافــــــــــــــــــــدوه صدك خافنهن اعيونك
يمعودجريمه اعليك هيج عيون
وصوره اتظــــــــــــــــل خيال ومايكتبونك
تدري اجمل قصيده اعله المنصه تصير
والاجمل بعــــــــــــــــــد بعيونـي يقرونك
يارقة الماي اعله الورد لوطاح
بوكه تبوك لـــــــــــــــونه وينحسب لونك
ياومضة خيال وفلسفة طاغور
ياليلة زمانك وانـــــــــــــــــــــــه مجنونك
ساحرني وعلي وماريد اكلك غير
(خيعونك عليك وبيك خيعــــــــــــــــــــونك)
اتشخبط شخبطاني استغفرالله وراح
حط كــــــــــــل العسل بشفاف ماعونك
شلونك لاتكلي شلوني مامش لون
ولاتعطف عليــــــــــــــــه بجلمة شلونك
اذابيهامجال شويه صير اهناه
واوكف عالحقيقة وشوف مسجـــــونـك
يمعود كطعنــي العطش وانت الماي
وانت العافيه بوجــــــــــــــه اليشربونك
بعيوني شكثر شايف كبل حلوين
كلهم مــــــــــــــــــن اقـارن مايلحكونك
احطهم بالسره ويتغالبون اوياك
واطيهم مجـــــــــــــــــــــال ومايغلبونك
تتشابه الناس اوانت مدري منين
واحـــــــــــــد مالكيـــت من اليشبهونك
يوصفونك حلو وبالعين من شافوك
شيره اعلــــــــه العسل كامو يحطونك

يسلمو عيوني
كلمات حلوه
عاشت ايدج يا ورد
تحيتي

حلو
يسلمووو ورده
دوم الابداع
تحياتي

يسلمووووووووووووو
تحياتي

كلش كلش حلوة
يسلمو وردة
عاشت ايدج
تحياتي الج

كلش حلوو
تسلمين يابدعه
عاشت الايادي
تحياتي

تدللون
ومنووووووورين

يسلموووووووو وردة كلمات روعة

عاشت ايدج وردة
تحياتي

منورين حبايب
..................