جنت حلمان

حوار صغير بين شخصين

__ ابد ماجنت احبك وانت واهم حيل
واهـــم بالحصل وتكول حبيتك
داريتك نعم واضحكت صح وياك
وصح انه اعترف نص عيني خليتك
اباوعلك جنت وافرحلك من تفوت
وابوسك لو ردت وبروحي داريتك
لكن ماهويتك ما افكر بيك
مشاعر كلبي ماضن يوم هاويتك

***

__ نعم انه اغلطت وانه اطلعت وهمان
حسبالي تحبني شبييه ماحسيت
جنت انطيك روحي بلاثمن وارتاح
وجنت تنطيني موت وغيره ابد منطيت
اصبلك بس فرح وكليبي كله احزان
ومن ردتك تصبلي الفرحه .. ماصبيت
ماعاتب ابد مقتنع صرت اليوم
وغيرك ويه غيرك هسه اني مشيت
عساك بخير عايش بالترف والشوك
ناسي دموعي كلهه واني هم انسيت
مـــؤمن بالعشك ماعندي قسمه وياك
جنت حلمان بس من الحلم فزيت

شعر
صهيب السامر

تحياني

ذوووووووق تسلم على هل قصائد الروعه

انتي منبع الذووق ورده
يسلمووو عله مرورج الراقي