لئن تضوي وترف وبلمست أيدي تذوب

لئن تضوي وترف وبلمست أيدي تذوب ....تخجل من ضواك وتنطفي الشمعه

يلعينك سفينه تعاند الملاح .....شگ روج البحر بس تغرگ بدمعه

من گد ماترف ينشاف بيك الماي..... وبجيدك نزل شلال مو مجعه...

ماچلچل علينه من الگصيبه يغار .....ومسودن الليل وجيب اليقنعه

على خدك ضوة شمس ألله بي تحتار.....تبچي وي الأذان وتنحب وتنعه

يل همسك غنه ويل صفنتك موال.....وصفه لكل مريض يطيب الي يسمعه

بليل بليل أنت واحد بالنهار..... أثنين لئن ضلك مرايه وعينه أتبعه

وأضن عشرين وأزيد حملت أمك بيك .....لئن دقة جمالك مو شغل تسعه

طبع نمرة وغزالة تجمعن بيك..... سبحان الخلق رقه بشراسه

ياطيبة گبل ياغنوة السبعين .....ياخيط الضوة الماليل جاسة

الناس تكوم تحرس من يجي الليل .....أنت الليل لازملك حراسه

لغز ماحله كلمن حاول وياه..... بشر جسمه الشمس والگمر راسه

ياحاصل جمع كل عطر الورود....أنضرب مرتين في مليون ياسه

ذوووووووووووق
عاشت ايدج ورده

عااااشت ايدج حبي
دومج مبدعه
تحياتي

كلمات روعة

عاشت الايادي

حلوووووووو
تسلمين وردة عاشت ايدج
تحياتي

يدللو منورين
تحياتي الكم

يسلمووو ورد
تحياتي

الله الله عالكلمات الرائعة
عشتي عالاختيار الحلو
ودي...~~

يدللو منورين
تحياتي الكم