ثلاث ومضات وابوذيه مقفوله بومضه عله طريقه سعود الخفاجي
تعبان امشي.....مضيع كلشي
حبك انت الباص الناقل
اصعد للباص ومتردد
عقلي يكلي اصعد احسن
مو كلبك اصبح متشرد
صاعد اني بلا عنوان
احلم ان اصبح انسان
حبك ضيعني وي الكلشي
عندك نازل
كيفت طلعت الدنيه من العيون
وكلت يااهل الفرح تانوني
جاني اصبع فكري ردهه بعيني هاي
ماكفاه من ردهه بزلي عيوني
كيفت وفقني ربي
بالحلم بانيلي بيت
عل الارض شيدته واكف
جاني ناقد فكري عن بيتي يكول
بيتك مضايقهه للجيران زاحف
اكل صبري واصبر....واكلك انت
عكس السان اكلي.....وك لكنته
تدري الكلب المن؟....وك لك انت
ثلث دكات سمعني سويه
دكه عين اسمك ....دكه لامك
دكه ألف تعتب ....دكه لامك
حرز بلسانك انت...دك كلامك
وأذا فد يوم زل اعتب عليه
لذلك كلبي يمك ....عنك لامك
وشكر عنك لاباك....عنك لامك
اكلك اني ومضه...عن كلامك
كلامك مو حجي ينكال ويروح
كلامك عوزه عود يصير موال
واذا تكتب بورقه يصير مايصير
نشّدنهه حرز بكماط الاطفال
تحياتي...
