عراق اطبعت بلوفة منك طيب يامنبع حضارة العالم تشوفه
يريحان الحياة اترابك المهيوب وحس اسمك حبيبي بكلبي حروفه
لان بيك كبرت وتعلمت الخير وأطعمني ابويه الخبزه بجفوفه
مو سهله اتركك يا ابو الامجاد وما انسى الوطن وانسى معروفه
ويوم السافرت وطلعت من البيت احس ايد امي بظهري مجتوفه
تودعني وتشمني والدموع وتصيح الله ابني بعد ما شوفه
اودعنج ييمه وكلبي ضل يمج وأعيش بلا كلب من ابتعد عنج
انتِ الروح كلها والهوا والماي واحسن طعم الحياة اشربته منج
ادعيلي ييمه الغربه كون تهون ورد الموطني واكضي العمر يمج
وأعيش ابنص بلادي دولة النهرين وانشف من يهل ابضحكتي دمعج
تحياتي
