كافي ياابن الناس مو مرمرت قلبي

كافي يابن الناس مرمرت الكلب

أنته مـــــا عندك كلب بيه يحس

وانته تعرف حبك بروحــي سكن

يصعد وينزل يغالــــي ويه النفس

واني طير وعشي حضنك يا ترف

ولو غبت عني هموم اني انترس

وانه من بعدك اطيحن لــــو جبل

والجبل يوكـــع حبيبي ابلا أسس

أنـــــه وردة وتعطش الماي النده

وأنته مـــــــاي النده ياطيب نفس

وانه نجمه وتضوي وي نور الكمر

لا كن أصل النور منك يا شمس

وانه تمر البرحي كالــــولي حلو

والحلو ضايــع ابطعمك يا دبس

وانه قطعة ذهب معروضه ابمحل

وانته فص ألماز ممنـــوع المس

وانه تفـــــــــــاحة انيوتن والعلم

وانته واضح دار دور اول درس

وانه تغريـــــد ت بلا بل بل صبح

وانته فيروز التغنــي بكل همس

وانه دمعة عين موجـــوده بطفل

وانته بسمة طفل والعاب و نس

أرحم ابحالــي حبيبي لا أموت

أنه بيدي مفصل اثيــاب العرس

والله مـــــــا تلكي مثل كلبي أبــد

بي طيبه تعـــادل الجن والأ نس

يلا حس ابحبي يـا أغلـــــه بشر

وخلي مــره الفـرح لكليبي يمس

كلمات واحساس اكثر من رائع
دمتي بهذا الابداع المتميز
تقبلي مروري البسيط
دمعة ألم

كلمات جميلة واحساس معبر
دمتِ غاليتي لهذه الروعة
ودي~

يسلموووو ورده
عاشت ايدج
دومج مبدعه وروعه
تحيتي

يسلمووووووو ورد
كلش حلوو
تحياتي

عاشت ايدج وردة
ابدعتي
تحياتي الج

شكرا ع مروركم الحلو
تحيتي

كلش حلوة
تسلمين وردة عاشت ايدج
تحياتي الج