اريد اعرف
وك اريد اعرف سبب فركاك
فهمني ليش خليت كلشي وراك
حاير
مدري عليك ادور واترجاك
مدري اسكت
اسكت وبطل وانساك
صدكني حاير
حاير ودمعتي بعيني
بردان بنص ليلي وونيني
بس كلي شلون كلبك انطاك
تعرفني انة ماعيش بلياك
قاسملك قسم
لو للموت انة امشي وراك
ولله اشوف الضيم من يمر ذكراك
وانت بعيــد كلش صعب ملكاك
صرتلك شمعة اضويلك بدنياك
وبالمقابل يكلي انة وعقلي من كلبي شلناك
ارد أكول
مستحيل انة وكلبي ننساك
من يوم العرفتك مازليت زلة وياك
ومن جنت تزعل اكعد اتوسل برضاك
ومن اشوفك كدامي
اول كلمة مني الك
اهواك
بس كلي شنو سبب فركاك
مر بطيفي وشفته يشبه الجوهرة
حضنتة شديته حيل من ظهرة
فرحان ابوس بكربتة السمرة المعطرة
وشفافة بشفاي لزكن
وضل بحلكي طعم الحمرة
وضلينة سوالف وضحك وقشمرة
كيفت كلت رجعلي الجنت حبيب عمرة
غفل
فزيت من نومي لكيت نبضي بعدة بأسرة
عشتلك الحلوة و المرة
وسكتتلك على هواي اغلاط متكررة
اسامح واراضيك كل مرة
نطيتك كلبي وسلمتك امرة
وتالي بيدك تلزمة وتكسرة
شلون كدرت
هيج تفرح من تشوف الوفالك بصبرة
تفرح من تخنكة وادمرة
ماكلت هالمسكين خلص وياي عمرة
وماكلت هذا خطية يظل وحدة بالغربة والحسرة
صدكني متيه ليلي من ظهرة
وجروحي صارن بعد اصابعك بس اضربهن بعشرة
اهنيك كدرت عشكي تهجرة
وكدرت اسمي من كلبك تحضرة
وانة الي ربي هو الينسيني بأمرة
ومنك صارتلي اكبر عبرة
ومنك صارتلي اكبر عبــــرة
