(بيت الاخلاق) للشــاعر الشيخ سعد محمد الحسن

(بيت الاخلاق) للشــاعر الشيخ سعد محمد الحسن
اتمنى ان تنال اعجابكم
لاتقفل قفل وتحسبة مامون
اذا ترهم عليه كومة مفاتيح

ولتعاشر بشر وتورجة باسرار
اذا ماي الحياء بكـَـصتة شحيح

ولاتتبع أثر بخدود الرمـــــــال
اذا جانت مطر ومسودنة الريح

ولتعاتب نخل ما حـمّل اعثوكـَ
خطيت النخل بركـَـاب الفلاليح

اذا مركب شـَلـَه وحَب ايد الكـَياش
مو صوج البحر صوجِ الملاليح

اذا شطـّـك حطب وجروفة نيران
بعد تعتب عليمـَــــن عالسوابيح

اذا جنحك شمع والشمس تنخاك
موفشــلـَة لونّ اببابهه اتطـــيح

اذا كلـّك خشب واتصيحك النار
شحلاتة الدم لونّ عالموقف يسيح

اذا بيت انهدم واتساوة بالكـَـاع
يرد احسن بناءة بشيش تسليح

لجِـن بيت الاخلاق شلون لوطاح
بعد لاسامح الله يصير تصليح

تحياتي

كلمات اكثر من رائع
سلمت اناملك على الطرح المميز
لا تحرمنا من جديدك القادم والمميز

كلمات روعة واحساس اروع
تحياتي الك وردة
ابدعت

شكرا لمرورك
-----------------------
تحياتي لكم