رجف كلبي عليك ووكَف لحظات..

من شفتك حبيبي العين بالعين
دمعتي ودمعتك نزلن سويه
رجف كلبي عليك ووكف لحظات
واحس ساعتها جتني المنيه
اذا حبك اذيه تعذب الروح
صدك اني راضي بهل اذيه
انا اشتاكيت ماظل صبر بيه
واجيك اليوم مو باجر الجيه
اجيلك ركض واوصل كبل الجدام
واذا تعبت اجدامي امشي على اديه
واذا حنيت الي وضاك الخلك بيك
احس بدنيتي ضاكت عليه
واذا بيناتنا بعيده المسافات
على النسمات تولني الوصيه
حبيبي ولو ردت وصي الهوا الهاب
اشـــم بيه ريحتك من يمر بيه
واذا وحشه عليك تصير بالليل
عليه الوحشه تبدي من المسيه
واذا دمعك علي ينزل بالاخدود
عليك عيوني طاحن بين اديه

روعه عاشت ايدك
شعر يخبول
دومالابداع
تحياتي

كلش كلش حلوة
تسلم وردة
عاشت ايدك
تحياتي الك

عاشت ايدك ورده
كلمات روعه
ننتظر جديد ابداعك

اتجنن قصيده اتخبل

يسلمووووووووو
تحياتي