احبك ياضيـا عيونـي
احبـك ياهـوى كونـي
احبك والسهـر يشهـد
وحلم ٍ داعـب جفونـي
احبك ياشـذى النسمـه
احبك والهـوى قسمـه
احبـك وافخـر بحبـك
لـو العـذال لامونـي
احبك وافـدي ترابـك
اعيشك حلم واصحى بك
واذا فارقتنـي لحـظـه
يكون الله فـي عونـي
احس بضيقـه وكربـه
واهيـم بعالـم الغربـه
تحاصرنـي هواجيسـي
ودمعي يغـرق عيونـي
يعم الحـزن بارجائـي
يهـد الهـم عليـائـي
وبسماتي تصير اهـات
ويظلـم يالغـلا كونـي
وانادي يابعـد روحـي
حبيبي يـادوا جروحـي
انـا مشتـاق لـك والله
وقلبـي فيـك مفتونـي
يا اغلى مافـي ايامـي
يا احلى كـل احلامـي
يا اجمل ماخلـق ربـي
ياشعري يا اعذب لحوني
ياشمسي ياسنـا بـدري
ياحب ٍ يسكن بصـدري
انا لك عاشـق ٍ وافـي
حشـى والله ماخونـي
احبـك يابعـد حـالـي
احبـك ياهـوى بالـي
احبك والسهـر يشهـد
ودمع ٍ حـرّق جفونـي
