ردت بس اشوفك قبل ما موت
وسولف لك من الفركه بيه اشصار
عليه صارت دنيتي شو جنهه تابوت
وخلصت ايام عمري مشتعل بالنار
كرهتك انه ومن كل كلبي نسيتك
واصبر واصبر الروح وردت مرة ارتاح
بس وين من ادير العين وبعيني لكيتك
علي مقفول باب الفرح بس انته مفتاح
يسألوني هلي شنو بحالك انته يصير
بين المريض وبين آنه مجنون
ومايوم تعبتك آنه واعذرني علا التقصير
شو متعذب بغيابك واسميك الحنون
ردت بس اشوفك مرة ولو من ابعيد
وأذكر ايامي الكضت وياك
وافرح مثل فرحت طفل ليوم العيد
واموت كبل ما احس روحي وبلياك
كلبي عليك مثل كلب ام علا ابنهه ينوح
وتخاف عليه من يشم ذاك الهوه
مثلهه كلبي عليك يل تذب بيه جروح
وعندك الكلب ويه الروح ماخذهن سوة
