عرض للطباعة
هلو ورود شلونكم
شخباركم
اريد اكوللكم
سوينا مسابقه
وهي شاعر المنتدى
ف يا حبايبي
كل واحد ينزل الشعر الخاص
بيه
من تاليفه
مو كوبي بيست
وراح تضل المسابقه مفتوحه لمده
10 ايام
ووراها تنغلق
والي يفوز ينكتب جوه
اسمه
شاعر المنتدى
يوم 4 بالشهر تنسد
اوكي
خلص اسفه اخاف طولت عليكم
وتحياتي الكم
لا ادري
في يوم ما..ستطوينا تلك الارض
ونصبح مجرد .....ذكرى ذكرى حلوه
ذكرى مره
اي ذكرى؟
ستطوينا تلك الارض
كما طوت نبي البشر
الموت هو قدرنا
فكلنا سنموت...وكلنا سنرحل
مادامت حياتنا قصيره
مادامت ايامنا قليله
لماذا الحزن في حياتنا لماذا الشقاء في ايامنا
لماذا الياس ولماذا الالم
اهذا قدري
ام قدر نبي البشر
انني حقا لا ادري
.................................................. ...........................
بالبداية عاشت ايدج عالمسابقه الحلوة
تسلمين يامبدعه
لي عوده بشعر من تأليفي
تحياتي الج حبي
عاشت ايدج ورده
فكره كلش حلوه
اني راح انزل قصيده من عندي
بس اعتبروني ممشارك بالمسابقه
وارجوكم بلا كوبي
مممممم
الي رجعه لان دفاتر اشعاري ناسيها بالسياره هع
عاشت الايادي على الموضوع والفكرة الجميلة
مشكوررررررة سوفت مون على المسابقة الحلووووة المشكلة انا مااعرف اشعر
بس حبيت اشارك معاكم اسمحولي بمروري البسيط
تحياتي الى كل عضاء المنتدى
tom cruise
اليوم كنت هنا
وبكــــــرة ؟؟؟
بيني وبين نفسي شكد افكر بيك
واكول شمعنه انته الشاغل ضنوني
مو اول عشك خاطر تشل الحال
ولا اول جمال تشوفك عيوني
شجاها الروح يمك ذبت الاسرار
وليش ارجف عليك وينخطف لوني
حتى الناس كامت تعرف بهالحال
وما اعرف شكلهم من يسالوني
يطبون بصفنتي وعنك يدورون
وما عندي لكوك وبيك تهموني
تهموني بمحبتك والله لو يدرون
على ضيم العليه يضل يواسوني
ما يدرون عايفني بمهب الريح
واني وياك عفت المايعوفوني
يحبوني شكثر ولجيتي يتانون
واخجل من كثر ما كامو يتانوني
وانته الما تحبني شلون بالله وياك
امرن بيك وما امرن باليحبوني ؟
عفت الشروني ومن ارد شلون
هم اسوه بعد والنوب يشروني ؟
حبيتك
حبيتك شجاني وما حسبت حساب
خيعونك علي مو اني خيعوني
متحبني واحبك والمصيبه النوب
اريدك وانهزم من اليريدوني
ومن دونك صرت ما اعيش ويه الناس
وانته بكل سعاده تعيش من دوني
بأحزانك اودي دموعي تبجي وياك
وبأفراحك ابد ما تذكر سنوني
من سمعو اهلنه العشك دك الباب
ما خلوك اهلك واهلي خلوني
ما خلوك اهلك حقهم يخافون
بس اهلك لمحبتك شلع باعوني
شفت در بكلامك واصل بيك
كلت اتعنه شباكك واصل بيك
بلكي هناك لن اكطع وصل بيك
وتصير انته بوصل محجوز اليه
ما احبك جذب صدكني ذايب بيك
واذا ادور عليه بيك تلكاني
واذا هذا الاكول تظن ابالغ بيه
تكدر تنسحب بس تكدر تنساني ؟
وما اكلك جذب كبلك ما حبيت
بس بيوم العرفتك انولدت من ثاني
وهسه اني طفل ما يعرف يضم اسرار
وتلكه البكلبي بسرعه على لساني
احبك كلمه ما تستحقها والله
لان كلمه احبك ما تروي وجداني
وما تهمني حروف الكلمه من تنكال
بس همني الفعل وشتحمل معاني
لان اني من احب اختلف عن الناس
وما اكلك طبع ولا سر رباني
ولا اكلك ملاك اني يفلان
بس تلكه الصدك من تدك بيباني
احبك كالوها كبلي هواي
وبيها ما اهم واتركها تعاني
عندي لهفه الك شايلها من سنين
واذن كلمه احبك ما تطفي نيراني
بعد ما راح افتح صفحه عتاب
ولا اذكرك عالضحيته وياك
ولا يمك اكول اليش ما ليش
لان اليش هيه الطلبت انساك
مو كافي حبيبي انهارت الروح
ما تحمل بعد لوعات فركاك
من هجرك عفتلي الكلب مجروح
وبجيت العين لمن شفت قسواك
صرت ورقه وحملت جروحي بسطور
احسها تكطعت لو جبت طرواك
وعليك احلامي طكن شظن اوهام
على سنيني صداها فرح يتهناك
وحضر بالروح صار وكف اعضاي
لمن قررت تمسحلي ذكراك
وبير جروح صبت وسط الدموع
وجفه فركاك راسم دمعه الخيل
وثكل جبال صارت بيه الهموم
ورق ضلعي ولا انذليت للحيل
صبري وياك واصل ركبه والسيف
وسيفك حاد شوف ركبتي الويل
ودرب بعيد شوكك هلهل فراك
فرح شماته تنتظر موتت الريل
وعمري الفات عايش ويه الاحزان
يتأمل شمس تطلعله بليل
طحت مره بهواك وماني ندمان
ومنو اليندم على اليعشك مثالك
واذا جفك نبع والكون عطشان
زلال الماي يشرب من زلالك
واذا ورد الحدايق بيك هيمان
والورد معذور لو هام بدلالك
ويا لحظه شعر واليل نعسان
قصيده وليل وتخيل جمالك
وحق ربك كضيت العمر عطشان
ولا مديت جفي لغير مايك
صفه حالي مثل حال العصافير
اذا تبجي بلحن صوت التغاريد
جبيره الحسره عندي بثكل الدموع
بثكل عبره يتيم بجيه العيد
لبست الحزن ثوب وعيدت بيه
واغسله بجرح ما يرهمله تضميد
حتى شما البسه يهيج الروح
الجرح كلما تلجمه يبين جديد
الجرح كلما تلجمه يبين جديد
اهداء الى طالبه بقسم الرياضيات
نحن لسنا ملائكة
.........................
احزان البشر
ودموع الحيارى......وصمت القدر
نحن لسنا ملائكة
نحن فقط بشر
تلعب بنا رياح الحياة
كالهواء بلا مستقر
نحن البشر
نغني للمجهول
نبحث في اعماقنا عن الامل
عن حلم جديد ينسينا الخطايا
مع كل فجر سعيد
مع الاهات نغني
مع الاحزان نغني
دروب الحياة
والواقع العنيد
انا لن اشتكي انه القدر
فلانقول صمته رهيب
بل نقول حضه سعيد
لاتقول الحزن علية انتصر
فانا لست ملاك
انا بشر
وليس غريبا ان تزل الاقدام في وحشة الطريق
وليش عجيبا ان يرحل الحبيب
عن الحبيب
فلما البكاء النحيب انها الاقدار
شكرا لمروركم وماشاء الله كولهم شعراء
تسلمين وردة على الفكرة الحلوة والمسابقة الحلوة
وتمنياتي للجميع بلتوفيق
ودي
منوره ورده
..................