حضنتك بالحلم وادري الحلم جذاب

حضنتك بالحلم وادري الحلم جذاب
------------------------------
تعال ومر علي وشوفني شبيه
اموت اموت لشوفتك يفلان يوميه

احس بلون وجهك بي حزن عاشور
بس بداخلك شايلي عيديه

شبكتك بلحلم ودري الحلم جذاب
وحس جني بشبكتك شبكه عذريه

طولك مثل طول ومايشبهك طول
كلك مدري شنهو تكول حوريه

هاي عيون عندك لوبحر قزوين
لو دجله وفرات بكل معانيه

خصرك عرض معظد وتلزمه جفوف

وجدامك وصفهن ميه بلميه

لؤلؤ من جبينك لوعركت ايطيح
بس جفك يلوك ايصير جفيه

مايلزم شعرك جنه مثل الماي
وتمشطه الفراشه بورده جوريه

اترف من ترافة وردت البستان
ولا مثلك بشر ع الكره الارضيه

ارمش ماصدك ولله اضوكن بيك
وتلمس بطولك خاف برحيه

لوحه تكول جنك لو نحت منحوت
يمكن مو بشر وجذب عليه

برائه تفيض اشوفك عاطفه وحساس
من كلبك اشوفك تفيض حنيه

انته اعذرني خاف اتخبلت بشوك
ماشوفك كمت بس مره يوميه

رايح لاتكلي انساها مال تروح
حاسب حياتك عندي بس جيه

كاعد بيه انته وانه اكولن وين
اشوجنك بعيد اتقرب شويه

يم خدك اريد اتحطني ترجيات
حتى اكدر ابوسك اني يوميه

كلمات واحساس راقي
دوم الابداع
تسملين ورده على الموضوع
نتضر كلشي منج حلو
تقبلي مروري
تحياتي الج

روووعة كلش حلوة
تسلمين حياتي
عاشت ايدج
تحياتي

تسلموون على مروركم الحلووو...~
ومنووووورين...~

عاشت الايادي يامبدعة
دوم الابداع والتميز
ودي

عاشت ايدج على الكلام الجميل
تسلمين عيوني
ننتضر كلشي منج حلو

يسلمووووووووووووووو ورد
تحياتي

عاااشت ايدج ورده
كلمات روعه
ننتظر جديد ابداعج