نزعل ونتكبر واحنه من الطيـــن
والكل منا صــــد لو أقبل خويه
نفخر نكول إحنه على الصد كاوين
وهــــيّه علينا بالحقيقـــــة كـــويه
نشفق على الطيب و كسب الكرهين
وهذي بينه لاشك فعــــلة رديـــــــــه
ننسى نهايتنا وعلى وين ماشيــــن
وننسى الزمان اللي جمعنا ســـــــويه
المشكلة مو بـ حاجة لــ تخمين
ولاهي بعد ياناس صعبـــــة القضيـــه
دك الرقم بكيفك هلا بيك وأهليــن
أنــا الخـــوي اللـي مـــــزعّــل خويــــه
قلّه تغيب وصـــورتك داخل العين
ويبقــى لـ حبك في بنبضي بقيـــــــــــــــه
أخوان أحنه لو يجي بيننا شيــن
و مانفتـــــــــــرق دام المحبـــــــة نديــــه
خليك قــوي لاتحتــــكرك الشياطين
قبل الفوات وقبل وكت المنيــــــــــــــــه
حاجي خويــك . بـــ طيب الهرج واللين
وأعرف جميل الهرج يمســــح رديـــــــه
هذي هي الدنيا من الحين لـ الحين
لابد بين الناس تحصــــــل خطيـــــــــه
ومن لايقدر غلطــــة أحبابه الحيــن
يقـــــرأ حـــــروفي ويعتبرها هــديه
باجر تمر سنين وسنين وسنيـــــن
والــــــكل يرحـــــــل بالدروب المـــــديـه
صدقني تندم وأذكر حروفنا زين
تندم على خلك إذا غاب ضيّـــــــــــــه
دنيا غريبــــة وأكثر الناس ماشين
وجم صــــاحب والله دفنته بــ يديــــــه
