رجع يسال عن أخباري بعد غيبة سنه وشهرين
رجع شايل وجع صدره وقال أرجوك...واسيني
؛؛
رجع كنه يحسبني سعيد بدنيتي أو.. زين
واهو مايدري...الدمعه تسل ولا تسليني
...؛؛
دمع هالوجه أوكنه جمع في غيبته جرحين
وأنا عيني بدت تدمع على حزنه وتبكيني
؛؛
يقول الدنيا خانتني بعدك يالغلا سكين
ولا أحدن يالغلا غيرك يقدرني ويراعيني
؛؛
حبيبي ضقت بغيابك حبيبي حيل انا مسكين
وأنا.. جيتك بها ليله وتكفى لا تخليني
؛؛
وأنا لامن نطق "تكفى" عطيته لو طلب هالعين
واجود بكل مايملك خفوقي..وتملك..ايديني
؛؛
وقلت ابشر ولايهمك تدلل وش تبي يازين
تراني فدوة عيونك لوانك جيت تشقيني
؛؛
حبيبي لو تبي القمره عطيتك فوقها ثنتين
بعد لو تطلب النجمه ابنطق جيتك اضويني
؛؛
بعد هذا ضحك بعثر همومه سلهم الرمشين
وقال الله يا الطيب وأنا ظنيت..ناسيني
؛؛
صرحه حيل تجرحني ياطيب ياأطيب الغالين
ولا ادري كيف بوفيلك حبيبي وأنت تعطيني
؛؛
بعد هذا تسامرنا وتواعدنا بعد يومين
ووصيته على قلبي وهو مثلي ..يوصيني
؛؛
تواعدناعلى الجمعه ولاجاني الى الاثنين
ومر اسبوع والثاني وشوقي يشتعل فيني
؛؛
تصدق عاد يا السامع ولاجاني الين الحين
وقبل تسأل عن اسبابه بجاوب وأنت واسيني
؛؛
لانه مات في حادث وأنا مت بغيابه لين
عرفت اني كذا ببقى ولااحديقوي يحيني
