اجه الوكت التبديني وابديــــــــــــك

اجه الوكت التبديني وابديــــــــــــك
وامسح ذكرياتك واشطب اسمــــك

اخذت سنين من عمري واكلك زِيد
وجزات الحب تروح لابن عمـــــك

ولك هذا الوفى يل كلت ويــــــاي؟
واذا ضاكت عليك بروحي اضمك

يل بعت العشك ماريدك هنــــــــا
روح ولا تجيني وانسى حلمـــــك

واذا طحت ابحر واختنكت الروح
لو صرت الهوى مابعد اشمـــــك

انسى ولا تكلي افهم الصــــــــار
لاتفهمني فدوه ولا افهمــــــــــك

قاموس العشك شككته وانداس
وصح انت الجرح بس ماالضمك

وشلته لباب كلبي وصار مفتوح
بس حاذر تدخله ..والله اندمــــك

واذا لحظة ادخلت ماتطلع تموت
نايملك حقد راساً يلزمــــــــــــــك

واذا متصورت الي اقصده شجان
روح ادخل وشوف شلون ارحمك

راح اهديك عبره للي ميــــوافون
واباب الكلب صدك اعدمـــــــــــك

هسه اتذكرت ترجعلي من باعوك؟
خطيه انت ولك مانجح فلمــــــــك

روح ابعد دخيلك انت متفيــــــــــد
طشيتك خرز ومابعد ألمـــــــــــك

روووووووعة
كلش حلوة
تسلمين يا مبدعة
عاشت ايدج
تحياتي

روووووووعه
عاشت ايدج ياورده
تحياتي

منورين عيوني
.............

كلمات واحساس اكثر من رائع
دمتي بهذذا الابداع
ودي