كون بلا حجي نتكابل انة وياك

كون بلا حجي نتكَابل انة وياك
بعيوني السوالف كلهن اشرحهن

واسولفلك عليك اشكد اسولف بيك
كبل لا جنت اعرفك بية اسولفهن
...
سواليفك حفظ ماتنكتب بأقلام
على خطوط الجفن برموشي كاتبهن

كَبل يومين اعرفك مو كَبل سنتين
وكَبل سنتين جن عيونك اعرفهن

سامع بالسوالف تنحجي وتنكَال
بس بيك السوالف سكتة سامعهن

بوكت الجاهلية اشعار كتبو بيك
ولعيونك بوكتك صرت شاعرهن


كومة امهات بعينك مخلفات
وانة الامهاتك صرت جاهلهن

راح وياي اسولف على عيونك هاي
اصلي اعلة الرسول نخاف نحسدهن

حضنك بيه ربيع وهم شتة الامطار
وهم صيف وخريف بوكت جامعهن

اية ايريد ربك زرع بيك اشكال
شلع زرعات جنتة وبيك زارعهن

ارصفة الشوارع جلبن برجليك
وجف رجلك عليهن صار شارعهن

مو بس الرصيف ايباوع الرجليك
الشارع سوة عين وكَام باوعهن

اتلاثة بهل السماء يضون اعلة الناس
وخيط الفجر انتة وصرت رابعهن

اعتباطا ماعرفهة انيوتن الافكار
من فكرة جمالك هوة طلعهن

ليش الضوء اسرع منطلق بالكون ؟
شافك راد يلحكك صار اسرعهن

كل هذا وسؤالك ليش افكر بيك
ما فكر ؟ افكاري شلون اجرعهن

تعال ارجوك صدك وشلتهة الروح
الموانع ذني بيني وبينك ارفعهن

تعال وياي اكَعد بقن بس جم يوم
وهذن جم يوم اذا ماجيت اودعهن

رووووووووووووووووعه
عاشت ايدج
دومج مبدعه
ودي

ايدج العايشة وردة منورة

تسلمين ياورده
دوم الابداع
تحياتي

يسلمو وردة عاشت ايدج دوووووووومج مبدعة

تدللون ورود
منورين

عاشت الايادي المبدعه دوما كما عودتنا على التألق فلم تجعلي منا سوى اناس لايرضون بأقل من التألق
دمتي لنا بكل ود

تدللين وردة منورة