عندي خل امدوخ الوادم ضواه
ايدلي الاعمه اعلــــــــــه الدرب ويكوده
حطو اكباله الشمس صاحت يبوي؟
اعيوني راحـــــن من ضوه البخدوده
ناذرين ابيض نفصل لو اجيت..؟
وفــــــــــــــــــــــــرح لعيونك نبدل اثيابنه
وتدري من شفناك حضرنه الهدوم
وكبــــــــــــل لانلبس ..؟ لبسهن بابنه
احلى من الشمس شتغطي وجهك بيش
اذا بين جمالك حتى باحساسك
واذا غابت شمسنه الضهر بالثنتين
معناها انت حتما كشفت راسك
من تاهت سنيني بذمة الموت
بقة بس ذكريات وبي دمعتي
من كثر القطع تاهت عليه
قريت الفاتحه وطلعت قطعتي
أنطتني وعد بس ماأجت ليش
ضليت انتظر وبداخلي الويل
بس تالي كَلت خاف آنه غلطان
شيطلع الشمس بأثنعش بالليل
بكل شي تغلبني أذا تلعب وياي
وآنه أشهدلك بلعبك محترف
بس بالمحيبس أغلبنك أكيد
لأن شفافات اديك وينكشف
