~||.. أشوفڪ في وسط عيني وأغمضها عشان أمحاڪ ..||~
0
0
رحلت ومقصدي كله.. عشان أنساڪ
نسيتڪ ؟ لا حشى وإللي خلق راسي تناسيتڪ
تناسيتڪ نعم لكن بقت في داخلي ذكراڪ
بقى في داخلي زولڪ بقى في داخلي بيتڪ
ألا يا ڪيف أنا بأسلى ليالي غربتي وأسلاڪ؟
مدام إني ليا جيت لمرآية غرفتي جيتڪ ..
أشوفڪ في وسط عيني وأغمضها عشان أمحاڪ
وأشووفڪ داخل جفوني إذا غمّضت [ ضمّيتڪ ] .. :
:..
[أضمّڪ] وأشتڪي طيفڪ على طيفڪ بدون إدراڪ
وأنا في غربتي ليتڪ تحس بحالتي ليتڪ
ورى عوج الضلوع ألقى بقايا ضحكتڪ وألقاڪ
وأسافر لڪ وأنا حيّڪ وأسافر لڪ وأنا ميتڪ
نقشت [أسمڪ] على عرق الخفوق إللي فقد يمناڪ
وإذا مرّ النفس صدري تذكرتڪ وحيّيتڪ .. ..
شهور مرّت وأنا قلبي يعيش بضيعته بحماڪ
بدون أسباب لا تسأل ليا منّي تمنيتڪ
أهذري بك وأغني بك ( أنا أهواڪ أنا أهواڪ)
وأمرّڪ تايهٍ .. واذكرڪ لا مني تعديتڪ
حبيبي طالبڪ تڪفى سألتڪ بالذي سواڪ
وش إللي يمنع عيوني ليا جيتڪ وراعيتڪ ؟
تحاڪمنا على الفرقى بدون أسباب يا مقساڪ
تخالفنا .. تعدينا الحدود .. ورحت خليتڪ ..
ڪذا ما من سبب يشرح نهاية قصتي وياڪ
تڪبرت .. وتڪبرت .. وتحديت .. وتحديتڪ ..!!
تفارقنا ودمعات [القهر] تخشع على فرقاڪ
وبلاي إني من دموع الوداع المرّ واسيتڪ
حبيبي والفضا كله مساحات وسما وأفلاڪ
يضيق وغيبتڪ قشرا .. وأنا جيتڪ وناجيتڪ
مدام إن الغياب إللي يداعب غربتي فتاڪ
أمانه لا تجاهلني .. وأنا للوصل ناديتڪ
صحيح إني تجاهلتڪ وخليتڪ عشان [انساڪ]
ولكن والذي سوى عروقي .. بس تناسيتڪ
تناسيتك نعم لكن بقت في داخلي ذكراڪ
بقى في داخلي [حبڪ] .. بقى في داخلي بيتڪ ..
