جنت حر واطير وما الوح الكاع

هجرت گليبي اذكر من زغر سنّي
أخاف امن العشگ لايلفي بالدلّال
يتگرّب اگلله ابتعد عني
أخاف أهوى و أحب و اعشگ مثل هالناس
اعرف عشگ هذا الوكت يالمني
اعرف ما يصح العشگ للدلال
اضن بلا عشگ دلالي متهنّي
و بليله العشگ دگ اعلة گلبي الباب
و أنا گلبي فطير و راح يسودني
اگلّه شمالك توالف عشگ چذّاب
و يغلّس عليّ ما چنّه يسمعني
طعنات شكثر حمل دليلي و شال
و سهام شكثر بگليبي لاحنّي
حمّلني وليفي جروح فوگ جروح
سابع جار يگعد لو سمع ونّي
و هذا آنه اعترف و الخنجر بظهري
خنجر غدرك ألطعناته تالمني
احبّك و ادري ما تستاهل الدمعات
احبنّك رغم حبّك معذبني
واعرف ما تضحّي و لا تودني بيوم
و اعرف آنه احبّك و انت متحبني
رغم كل الحچيته و رغم كل ألصار
رغم دمعي و عذابي و حسرتي و ونّي
رغم حالف أهجرك و اهجرالأيام
و اهجر كلشي بيك اليوم يذكّرني
و اهجر دنيتي و أحلامي و إلّي چان
واهجرهه الصور لن بيك يذكرنّي
و اهجر كل مكاتيب الهوى الچذّاب
و مكانات إلّي چانت بيك تجمعني
رغم كل هذا اقرلك ضايع بليّاك
و اقرلك طلعت انته إلّي هازمني
صرت چني حمامة مكسره الجنحان
احضن بالقفص و القفص يحضنّي
مفتوح القفص و مشرعة ألبيبان
أحاول اطلع من القفص لكني
ما اگدر أطير بتك جنح مكسور
حاولت شكثر بس أحس خانني
چنت حر و أطير و ما ألوح الگاع
تعاينلي الخلگ عالشجرة لو اغني
مصاييد اشكثر حاولت بس ما فاد
ما أنصاد اگولن چان كلضنّي
و لمّن عاينت بعيونك الحلوات
نزلت اعله القفص و اعترف صادنّي
نزلتاعله القفص و اعترف صادنّي

منقول

عاشت ايدك
قصيدة جدا رائعة وابيات وصور شعرية حلوة
تحياتي

قصيده رائعه
يسلمووو
وديا

تسلم يالغالي
قصيده كلش حلوة
تحياتي

روووووووووعة
تسلم وردة عاشت ايدك
تحيااتي

عاشت اناملك على الطرح المميز الرائع
ودي

ادلل عيوني
نورتو

عاشت ايدك
تحياتي

تسلم حب عاشت ايدك
دومك مبدع بأختيارك المميز
تحياتي الك

يسلموووووووووووووووووووووو
عاشت الايادي
تحياتي