احبنك واحب ذاك الحمار البيك من تخجل...غزل...مع تحياتي

احبنك

واحب

ذاك الحمار البيك من تخجل

اريدنك

واحب

كل الدلال البيك من تزعل

يانور بضباب الروح

أنهّ ابلياك مااندل

ياكَطرة ندى والروح..

غبشة وبيك تتوسل

ياشجرة فرح وآمال

لغصانك صرت جدول

اشبكَنك جرح دفيان

لو مسة البرد يجفل

مشيني مثل ماتريد

محبس بيدك أتحول

أغار أعليك

من ثوب التلبسة

وصورتك

والظل

من كَلبي ورشيف الكاس

لو بشفافك إِيقبل

مو كافي تعت بالروح

كَلبي ارهيف ما يحمل

تمنيت الكَلب ينساك

من صدَك كَمت اخجل

يعاندني الكَلب بذات

غيرك ولف ما يقبل

يدَك ويضيع الدكَة

وأحس الدكَة تتبدل

يدَك جنة ويحاجيني

يكَلي أرجوك لاتزعل

ظل احمل عذاب ونوح

بلجن يـوم يتبـدل؟؟

*************

مع تحياتي

الشاعـــــر

جلال البطاط

غير مبروء ذمة من يقوم بالنقل دون ذكر الاسم

عاشت ايدك على هذا الشعر الجميل يسلمووووو ننتضر كلشي حلو منك

عاشت ايدك شاعرنه
دوم الابداع المتواصل
قصيده جدا روعه
ولا تحرمنه من جديد ابداعك

رووعة
تسلم وردة عاشت ايدك
تحياتي الك

عاشت الايادي وردة

كلام كلش جميل

يسلموووووو وردة

عاشت ايدك شاعرنه المميز
على الكلام الحلوو
لاتحرمنا من جديدك ياورد
تقبل مروري وتحياتي

عاشت اناملك على ماخطت من ابداع متميز
ودي

رووووووووووووووووووووووووووووعة
عاشت ايدك
ودي

تقديري وامتناني لجميع الاخوة الذين اتحفوني بردودهم العذبة....تحياتي للجميع.