ما رايد ازعل عيونك الحلوات
ولا اريد ك تزعلهن عليه
بس آنه اشوفك وآنه احسن بيك
واخاف تشوفني وما تحس بيه
تدلع علي وآنه بعدني إصغير
اصير ابچﯽ واشاھِگ مثل إلبنيه
صدگ وإدير وجهك لو ألاگيك
و ادير بوجهي ما اديره اديه
اشوفك لو وراي إنته من إتصير
وإنكسرت رگبتي وما همت ليه
گول شما گلت موتني كل ساع
ولاچتفك تهزه إدگول معليه
تزعلني واگولن إنته شعليك
واضحكنك واگول آنه شعليه
كل شي البيدي اسوي كل شي اسويك
واحس روحي اسويلك شويه
اَعرِف اخلاقهن إعيوني من يبچون
ا ما تبچي دمّ إعذرني موهيه
احبك حب مثل حب المجانين
حبك ما دريت شسوه بيه
گمت اكتب قصيده بلا وزن لا طور
و اگول آنه اكتبتلك صوره شعريه
قضايا العرب كلهه تهون وتهون
وزعل عينك عليَّ اكبر قضيه
