قصيدة رثاء الامام علي (عليه السلام)

جزء من قصيده الجرح العضيم للشاعر دواي الحاشي

جيت اوصفك وبقوافيي اعتنيت وعشر من عشر العشر ما وصفن
شرد اوصفك وانته ابن عم الرسول وبيك تشهد يا علي سوح المحن
تصير كلك سيف ساعت النزال واليجيك يحضر لروحه الجفن
منهو مثلك يا علي انشقله الجدار وبيه تنخن بالطلوك العسرن
حتى امك يا علي تتنخه بيك بيك تطلك وانتخت يا بو الحسن
انته من زغرك علي ما خوفوك تكطع اذنه العلنبي حجاره رمه
نمت بفراشه وجنت بعدك زغير تدري هالليله بقريش اتداهمه
بيك عرفو يا علي ما داهموك جبل وشلون المعاول تهدمه
خيبر تعرفك يكرار الحروب مرحب بسيفك كدرت تحاكمه
وباحد دين النبي سيفك حماه وانته سيف الله ياهو اليثلمه
وانته داحي الباب ليهسه اليهود تخاف من اسمك يحماي الحمه
شلون توكع يا علي بوضع السجود وجانت الكاع اتراجف حدر اديك
امتك حطت على الروس التراب وعاف جبريل السمه واتعنه ليك
بجت لاجلك كل ملائكه السماء حتى سيف الطبرك يبجي عليك
همه يدرونك علي تهد الجبال وكرها بدينك يحيدر حاربوك
وانته سيف ما كدرو عليك تعبتهم يا علي وما تعبوك
واستغلو جنت ساجد بالصلاه ولو ما ساجد ياعلي ما جان اجوك
حاشى يا بو حسين من ضربه تطيح هذا حد يومك وصل ما طيحوك

منقول
تحياتي

همه يدرونك علي تهد الجبال وكرها بدينك يحيدر حاربوك
وانته سيف ما كدرو عليك تعبتهم يا علي وما تعبوك
واستغلو جنت ساجد بالصلاه ولو ما ساجد ياعلي ما جان اجوك
حاشى يا بو حسين من ضربه تطيح هذا حد يومك وصل ما طيحوك

قصيده حلوووة
عاشت الايااادي

منوورني عيووني
.......

قصيدة روعه
عاااشت الايادي