>>>>اجذب عالكلب لمن اشوفـك جاي<<<<

>>>>اجذب عالكلب لمن اشوفـك جاي<<<<


اجذب عالكلب لمن اشوفك جاي
واشغل نفسي كــُـوه وما أباوعلك

أحاول ما أشوفك وأنسه كل الفات
بلكي كليـبي يزهك شوك ويِــملك

اكول النفسي باجر لازم انمــُــر بيك
واجذبني واصدك ..وأدري ما مرلك

صديقك مو حبيبك صعب هذا الدور
مثلته وغصب عالدمعه اضحكلك

وأسمحلك تدوس جروحي من تضوج
ومن تضحك بعد شتسوي اسمحلك

اشوف اهلك جنت والخاطرك كل يوم
ولأن كلبي يحبك صرت احب اهلك

ماينفع اسف والعمر يمشي بساع
واني وياك تهنه وكلمن بمسلك

مجنون اني ما ارهم اعيش وياك
ومن جسمي ولك لو ردت اذبحلك

اشربك ماي عيني وتاكل من الروح
واذا حزنان اخلي جروحي تركصلك

ماحسيت ابد بحساسي ماحسيت
رغم بيدي اجيب احساس واخذلك

وانته الدمعه ماتذرفهه لجل الناس
وماتعرف عدوك ذاك من خلك

ضل بهذا حالك واني هم ابعيد
واحس حل اعوفك وانت احسنلك

كلش حلوو
عاشت الايادي يامبدعه
دوم الابدااع والعطاء المميز
ننتضر كلشي منج حلو
تحياتي

روعــــــــــه
عاشت ايدج ورده
دوم الابداع
ودي

احساس رائع
عاشت الايادي يامبدع
ودي

رووووووووعه
عاشت ايدج
ياذوق

يسلمووووووووووو
تحياتي

مشكورين ع المرور

عشتي يا وردة على هل ذوووق
ننتضرج نشوف جديدج

عاشت ايدج وردة