انت الجامعه وكل احنه الج طلاب
ويضل بيج العميد الدلع والخفه
تعليمج العالي اقسم عليج ايلوك
بس حسنج بجفه وعلمج ابجفه
سكنتي المكتبه هاكد شريتي اقلام
ودخلتي الامتحان اشحالتج كلفه
اخذتي انت صفر مو لان ماتقرين
لان ذاب القلم بجفوفج الترفه
بالسنتر دخيلج فدوه لتمرين
لان كل مره منج تنكلب زفه
جم طالب تسودن من دلع ممشاج
ومن كد الثكل جم طالب اتوفه
حددتي البشر بالحمره والتحديد
عزه بعينج ولج مارايده الشفه
امس لفه اشتريتي ومن حلات اشفاج
كامت بالشفايف تاكل اللفه
