وصفه راح انطيك للغالي وصله
وهاك اخذ وياك من كلبي وصله
كله احبك وحق الحمد ربه وصله
ما انساك لحد ما تدنه المنيه
احبك من جنت صغير وياهل
دمعي من شاف دمعتك هلت وياهل
حلو طعم حبك مثل الجاي وياهل
بس عوزه سكر شفافك يحليه اليه
تناشدني على الراحن والي ين
وانه الرحت انشد العاقل والي ين
وحك التعبده الناس والي ين
ابد ماله اثر برض الوطيه
اذوب بصوت خلخال محبوبي وهم بي
بحبه كلبي ملوع ومجروح وهم بي
يهيم بحبي ساعه وانه وهم بي
ويريت من الله جمعتنه سويه
افرح من اسمع صوت حجله واسر بي
انا محبوس بقفص كلبه واسير بي
اجي واحجي للصاحب واسر بي
طلع واشي وما صان سر اليه
يا دنيا عليه شهود شهدي
احلوت دنيتي منعرفت شهدي
حرت بلعيد للغالين شهدي
اقدم روحي والكلب هديه
