مشتول اعله بابك لاتخليني ...
فك شباج حسنك ....كوم واسكيني ..
ميت بيك كلبي ...
وانت عايش بيه ..
وغيرك ما اضن انسان يحييني ...
تندل كلش انت بيه ...
وانه تايه بيك ...
تعال ارجوك لحظه ...
وعلي دليني ...
دورت العمر والكيت ..
بس شلكيت؟؟؟
بحلك ايام هجرك تنزف سنيني ...
طيفك ماي صافي ....وهاي وحشة ليل ..
الغيرك وين اروحن من تغص عيني ...
بيني وبين وصلك ...
درب...مابيه ناس ..
لان بس انته عايش بينك وبيني ...
تعال امطرلي ضحكه واحيي كاع اشفاي ..
ماريد بغيابك ...
دمع تنطيني ...
تعال وخلني اشوفك ...(كارثة فركاك)
واراويك الصليل الاكل جفيني ..
اعيوني بغير رسمك ضاك بيها الشوف ...
وعله اجفوفي بغيابك ..
صفت تبجيني ...
الدنيا ....
الامس جانت واسعه بطرواك ...
بكطع وصلك بعد ماضن تحويني ..
لدور علي تندلني ....بس اتصيح ..
بارض المالفاهه....الفرح تلكيني ..
بسنة الماذكرهه.... العيد تلكيني ..
بعيون الدروب.... التحن تلكيني ..
بجفوف الليالي ....الزرك تلكيني..
بكهوف الاماني ...البيض تلكيني ..
تلكاني بسمه ...مادغدغاهه الماي ...
ابامل غيمة هواك...
التمر ترويني ...
تلكيني بقصيده ...
انكتبت من ازمان ..
التوضه احساسهه من دم شراييني ..
تلكاني بعتابه ..
ودارمي ...
وموال ..
تلكاني ب ابوذيه انعجنت بطيني ...
((اهنا يل ماخذ من الكلب ...بسلا ه
بجفاك ولجت سعف الصبر ...بسلاه
العمر ينكص وانه متانيك ...بس لا
كبل يوم الوصل تدنه المنيه ))
اتمنى اتنال اعجابكم
منقول
