يظل كلبي بغرامك دوم ينشد
يحبك وبس عليك هواي ينشد
عرفنه العظم من ينكسر ينشد
وانه كلبي انكسر شيجبره اليه .....
وحق الترك بين الناس ثقلين
عيوني من السهر بجفاك ثقلن
احبك من صدك يفلان ثق لان
احس انك شراكه وياي بيه ......
دورت بــغـيـابـك ما لگـيـت احـبــاب
لأن إنته الوحيد وبس علي تــرهـم
كلشي انت بحياتي وتجري بالشريان
ليش بهـا القساوه ويـاي ما ترحم
وصل حبي الك حد ماهو معقول
بحيث وياي انت واني مشتاك
تشابكني وتشاقيني واشاقيك
واصيح الله واكبر بسك فراك
لتغرك حلاتك عيب الغرور ..
و لتضل تتبع أهواء نفسك ..
اولا تحجي بتكبر بالك وياي ..
صح انته كَمر بس آنه شمسك ..
دارن براسي اثنين صورتك والصوت ..
و كل ذكره الك وياي ما تقبل تموت
