فصيدة عن ابن الرافدين وبغداد والدول المجااااورة

بعد ما ريد فيزه ولا لجوء انـسان .... عمت عين الاقامه الدنست صـيتي واشكر كل صديق وكل خوي وجار .... قـفل بابه ورفض يـقبل عراقيتي خلف الله عليكم والوكـت دولاب .... لا بديوم يـنزل بيكم ارضيتي لان اول امس كل البشر خـدام .... جاءوا للـعراق واكلـواابيتـي جان الضي...ف عندي مكرم ومهـيوب .... فوگ الراس اشـيله وهاي تربيتي ماداعي اسولف وانه ابو النـهرين .... ياهو الـما سمع اخـبار حنيتي بعد بصـمات اديهم والطبع موجود .... من جانوا جياع بوسط صيـنيتي يـا دنـيه حرام ومـنكرومـكروه .... اذا ابـن الـعراق الـيوم وطيتي معـقوله نسيتي اسم الـعراق بساع .... لـو مثل الـبشر همّن تـناسيتي مـيفيد الحچي ولا تـنفع الـچـلـمات .... راجع يا وطن لترابـك الزيـتي راجـع يـا حـبـيبة گـلبي يـا بغداد .... وادرى بكـثر ماونـيت ونيـتي وادري لوحّدج عفناج صار سنين .... وادرى من الحزن تابوت سويتي جيب الاغتراب وحـطه بالـتابوت .... يا غربه الـعراق شكثر اذيتي ما اعيـش ابّحر مالح طـعم يا ناس .... انه بسجن الـفرات وفقط حريتي وترابي ذهـب والگاع من ياقـوت .... ومن ثوب الكرامه البسهه بيريتي واذا گالولي ترجع والوضع مو زين .... اگول اني الوضع والزين تاليـتي وميهمني بعد اليصير خلي يصير .... طعم الموت اشرف من هجر بيتي أموت بوسط خوتي ويا حلاة الموت .... من اجمع اهلـنه واكتب وصيتي وصيتي لو متت لتچفنوني چفان .... لفوني بعلمنه وهاي امـنيتي واذاتردون اليه به الگبر ارتاح .... امانة الله ادفنوا وياي جنسيتي

يسلمو حبي قصيدة روعة دوم الابداع والتميز
تحياتي

يسلمو قصيده روعه
عاشت ايدك
يامبدع

يسلموووووووووووو قصيدة روعة دوم الابداع

من اروع القصائد الي سمعتهادووووووووم في الابداع والتالق

منوووووووورين عيوني انتوا