الخطيه برگبة الساسه

صح لمن طحت ما شفت چف العون
لچن للطاح وحدك چفك اتمده
وتشد اجروح ربعك يا عراق الخير
وجرحك للأسف ما واحد يشده
الشدايد من اجتك ما قفلت الباب
لأن طبع الكريم الجاي ميرده
ورغم أنته تعرف بابك يجيب الريح
اعتبرت الريح ضيف وتخجل اتسده
سيف الجار شفته مصدي ما ينهاب
ولجل ينهاب گتله بنحرك يحده ؟؟
لأن أنته الوحيد الغيرته براسه
گالو يا وطن خنجرح احساسه
شكثر جارو عليك ورادو يذلوك
بس تبقه الحسين الما يطخ راسه
لأن ساسك قوي
كراريس الدول بيهه المجد مفگود
وانته البس مجد مكتوب كراسه
منو غيرك أسألك يا وطن الاحزان
عيده انباگ منه وهجرو ناسه
صح انته شجاع وأصبحت مبيوگ
لچن خالي ذنب التبوگه حراسه
خطيتك يا وطن مو بالشجاعه البيك
وحگ الله الخطيه برگبة الساسه

عاشت الايادي الحلوة عالكلمات الروعه
تسلم ايدج يا مبدعــه

انت العايش وشكرا على مرورك الرائع
وانت الابداع كله تحياتي الك

سلمت الايادي حبيبتي موضوع رائع و انتي اروع
تقبلي مروري

شكرا على مرورج الاكثر من رائع
وتحياتي الحاره الج يامبدعه