نمت وتفاجئت من حلمت بيك..
نمت وتفاجئت من حلمت بيك..
مو كافي سهر وأشواك وهموم..
تاركته العشك من أمس
لليوم..
نمت وتفاجئت من حلمت بيك لكيتك تطلع أنت بساعة النوم..
حسن وأخلاق وآنه أعتقد حبيت
لأن كلشي أحب بشفاك مرسوم..
ولأن فد مره نايم_بالعجل فزيت
سمعت أنك إجيت لعندي
هاليوم..
إكعد..وأرد أكلك .. رسمي جنيت
وحكم القاضي صادر وآنه
محكوم..
حكموني أحضنك وأرتمي عليك_عاد اشبع حضن_شي يشبع المحروم؟!
وأظن..مو بس أعتقد
راح أبقى صبح وليل_وسط شفاك مضموم..
كلولي خاف يعذبك وتموت بعدين
كلت آنه أرد أصير بحبه معدوم..
تدري الينكبت مجبور شيصير
يجيله يوم هم ينفجر_معلوم..
كلشي أتقبله..يجوز أقتنع بي
بس مال أنت تبعد هذا مرفوض
لأن من تبعد أنت..آنه قلبي يروح ولأن حبك بحر
أمنيتي بيه يعوم..
جنت فد يوم صافن بالحديقه هناك..
شفت عصفور طاير توه بادي يحوم..
من عنده سقط منديل بي خاتم وبي شدة ورق وقليب
مرسوم..
فتحت ورقه ولكيت أسمك بالسطور..كلت أنسان فاضي وهمه مفهوم..
وشفت قلبك يدك_بالدكه حسيت
كلت صدكوني هذا الولد مغروم..
إجيت ألبس الخاتم_تالي شفته زغير
طلع مخصوص منك لأصبعي الخنصر..
ظليت آنه أفكر_ليش هذا زغير؟! تالي ألكى بحروفك شرح متوفر..
تكلي هذا محبس جبته حيل زغير_لأن أدري الزغير بكيفه يعبر..
وأنت حجايه مني تزعلج أيام_لعد شلون إذا قلبي بقلبج
يفكر ؟!
بثواني عرفت شخصك من حروفك،،،من شعور البيك،،،
لأن أدري المحب كلماته تدمر..
تعال أحجي بصراحه وكلي شبيك_من اليوم آنه إحساسي
تغير..
صرت كل لحظه أحبك_صرت أحس بيك_صرت كل لحظه وجهك يمي أتصور ...
إذا خايف أصدك لا تظل حيران ... قلبي تغير وإحساسي تغير ...
