خلك روحك

http://sphotos.ak.fbcdn.net/hphotos-..._7432595_n.jpg
خلك روحك ))

اني روحي وياك ...

ما الها نصيب ..

واني اصلا ..

مالي حظ ويه العشك ..

روحي بدلة مفتكه ..

شتستر البيك ..

كلي وسط الروح ..

شيخيط الفتك ..

صح انه عيونك زرك ..

بس شيفيد ..؟

كلبي مرشوك بحجي العالم رشك ..

اعمه والناس ..

بعمه عيوني تصيح ..

قابل يسموني ابو عيون الزرك ..!!؟

راحت من ايدي .. بعد

عوف العتاب ..

ولا تكلي ...

الفرصه اجتك للحلك ..

ادفع الصبير ...

بيدك تلكه شوك ...

بس يكع جي بالارض ..

ماله عرك ..

يا خلك روحك ..

علي كلش طويل ..

واني ادري ..

لحالك مطول الخلك ..

نخلتي احتركت ... ولا تسوه العذاب ...

وتنتظر من نخله محروكه عثك ..

روح ..

يالثوبك ... بياض يضم بياض ..

كلها بيباني حزن ..

بالك تدك ..

روح ..

لا تلكع ثيابك بالسواد ...

اني حاركني الوكت ..

بيده حرك

الرائع حمادة نثرك دوماً يجعل
الكلمات تصارعني شوقاً لهكذا معاني سيدي
فحروفك الماسية لهــــا بريق آخاذ للالباب
وندي نبرة صوتك فيه يمثل جل احاسيسك
فلك مني باقات من الأقحوان
ولروحك سلامي ..

شكرا على الكلام الجمـيل
نورتي بمرورج عيوني

http://www.hawahome.info/uploaded/8314/1172599304.gif