سبحانه الجليل شلون من ســــــــواك

سبحانه الجليل شلون من ســــــــواك
واطاك الحسن واللولــــــــــــــــــــه ماهيـــه

جابك يمنه يسره وبيك ماظل عـــــــوز
وفضالك خلك مــــــــــــــــــــــن غيـــر منيه

اتمنه بحلم نتشابه انــــــــه اويــــــاك
واحلام اليتامه تمـــــــــــــــــــــــوت ليليـــه

ردت شويه منك بيــــــــه صار سنين
طـــــــــــــابك عالســــره وماتلتفت ليـــــــه

كيمر جنها شفتك والحلك ماعـــــون
والخـــــد العليك تكـــــــــــــــــــــول كاهيــــه

المن جاي يمي وانه الك جــــــوعان
جيتك هاي حرشه لــــــــــــــو حسن نيــــه

شايف من اكظك الا اكفـــــــــــــر بيك
وماخلي اعلـــــــــــــــه حالك منك شويــــه

مسودن والعكل ظل منه بس هالخيط
ياهـــــــــــــــــو الوهدنك وشجابك اعليــــه

انه اوياك حيــــــــره وانت بيه اتحير
والحيره اعلـــــــــــــه وجهك تنرسم ميـــه

وانه اخر سنه ولو تقــــره بيه اسنين
ماتاخــــــــذ صفر مــــــــــــن تمتحن بيـــه

بالك موش يمي وحسره اظل اعليك
وعينك لاتنـــــــــــام وتحلــــــــــــم بجيـــه

بلبل وانه الك حيــــه وصفنت بليل
واحذر لاتامن صفنـــــــــــــــــــــــــة الحيه
.................................................. ....

تحياتي

يسلمو خيو عاشت ايدك
روعة

مووووره خيتو
تحياتي