الرجل ام المراة

السلام عليكم

اريد رأيكم مع ذكر السبب وارجو منكم التصويت باعلى الصفحه

من هو برايك بطبعه الخيانه او بمعنى ادق الاقرب للخيانه
الرجل
ام المراة
استفتاء مهم جدا وياريت كل واحد ينطينا رايه وبصراحه دون مجامله
لاتنسون التصويت

وليش دتكول الخيانة الله يبعدنه عن هذا الشي
صحيح هي الخيانة خيانة ومالها اي تسميات ثانية
وتحت اي ظرف جان بس مرات اكو ظروف تجبر الانسان مو يخون وانما يبحث عن ما يعوضه عن النقص الموجود في حياته
ولكن ان كان الطرفين كل منهما يحاول اسعاد الاخر ويعطيه من الحب والحنان مايكفيه
فلماذا تكون الخيانة؟
هذا رأيي واسفه للاطاله
اما بالنسبة للاستفتاء من هو اقرب للخيانة
فاني اكولك المراة وللاسف هاي الحقيقة
لان المراة تكون عاطفيه اكثر من اللازم ومتفكر في بعض الاحيان سوى في مشاعرها هي
وفي الختام سلام
تقبل تحياتي ورده
وارجو ان اكون خفيفة الظل بين سطور صفحتك

رأيي من رأي شموسه بس صوتت للرجل هههه

يسلمووو اسد ع الموضوع الحلوو
ودي

اني اعتقد حسب الانسان وحسب اخلاقه وشلون اهله ربو من الصغر
يعني الانسان الي اهله يغرسون بي كل الصفات الحلوه
وينطو ثقه والحنان مراح يخون ولا رح يجي بــ باله شي اسمه خيانه
يعني كل انسان وطبعه اذا جان رجل او امرأه
و اكو رجال يخونون والنساء كذلك
بس اعتقد الرجال عدهم الخيانه اكثر
بصداقه بالوطن بالحب والعائله
حشه الشرفاء يعني
بس النساء
وخاصة العراقيات كولش وفيات وصادقات
وصابرات

تسلم ورده
وعاشت ايدك ع الطرح المميز
ودي

اني برأيي والله الرجل هو يجبر المرأة على الخيانة من يحسسها بنقص
او مرات تصير شغلة عناد
والرجل ماتملي عينة مرة وحد فاعذرني ما اكدر اصوت
لان كل واحد وضروفة

منوريين وأرئكم على راسي من فوك والله
وهذا للنقاش والله
وكلكم نورتو