أنخطبت
دمعتي بحسرتي أنمزجت
وحياتـي بالقهـر خلصــــت
تسألوني شنو الموضــوع
حبيبــة گلبــي أنخطبـــت
حبيبــة گلبـــي باعتنــي
وأبـــد مـــو هين الســـوت
ضحت بيـــا لأجل الغيـــــر
وحبي وعشگي متذكرت
شكثـــر أتوسلـــت بيهـــا
وردت أخطبهــا ما قبلـــت
گلتلهــــا أحبـــــچ حيــــل
وأريـــدچ ليــــا مــــا ردت
گلتلهــــا أمــــوت عليـــچ
وأبـــد مــا جاوبت سكتت
بس شفت بهواها أحزان
وروحي وياهــا مـا فرحت
شجاني ومن صدگ حبيت
ليــت الــروح مــا حبــــت
گالتلـــي الصبــر مفتـــاح
أستغلت صبري وأتمكنت
وآني أصبــر وأگول تمـون
وروحي من الصبـر ملـت
تاليهـــا وبــــدون أنــــذار
باعـــت حبــي وأتنكـرت
وأنا المــاخنتهــا بيـــوم
وروحي وياها ما قصرت
وأنا اللي عشگتها دوم
جرحت گلبي إيه جرحت
أذن لازم أمــوت بسـاع
لأن أحلامي أنسلبـــت
ولأن الدنيا ظلمتنـــــي
وحبيبـة گلبي أنخطبـت
مع كل أسف
حبيبة قلبي أنخطبت
أخوكم
رماد الشوق
حبيبة قلبي باعتني
وأبد مو هين السوت
